இணையத்தில் ராயல் கல்லூரியின் வரலாறு (1931) நூலின் மின்னணு பிரதி தற்செயலாகக் கண்டுபிடிக்கப்பட்டதன் விளைவாக, அது கண்டறியப்பட்ட இரண்டு ஆண்டுகளுக்குள் இந்த மறுபதிப்பு வெளியிடப்பட்டுள்ளது. இந்த வெளியீட்டின் மதிப்பு அளவிட முடியாதது. 1835ஆம் ஆண்டு காலனித்துவச் சூழலில் சிறியதொரு தொடக்கத்துடன்
தொடங்கி, ஆண்டுகள் செல்லச் செல்ல நாட்டின் அடையாளச் சின்னமான தேசிய நிறுவனமாக வளர்ந்த பள்ளியின் கதை இது. நாட்டிலுள்ள மற்ற எல்லாப் பள்ளிகளுக்கும் தரநிலைகளைத் தொடர்ந்து நிர்ணயித்துவரும் முதன்மையான பொதுப் பள்ளி. பள்ளியின் நான்கு ஆசிரியர்கள் மற்றும் சிறப்புமிகு முதல்வர் எச்.எல். ரீட் ஆகியோரின் மேற்பார்வையில் 15 முதல் 19 வயதுடைய 20 மாணவர்கள் இதன் ஆசிரியர்களாக இருந்தனர்.
நாட்டில் வேறு எந்தப் பள்ளியும் தயாரித்திராத, பள்ளி வரலாறு குறித்த இத்தகைய ஒப்பிடக்கூடிய கதையுரை முன்னர் இலங்கையில் இல்லாததால், இந்த அசல் வெளியீடு இலங்கையில் புதிய தளத்தை உருவாக்கியது. இங்கிலாந்தின் முன்னணிப் பள்ளியான மெர்ச்சன்ட் டெய்லர்ஸில் கையாளப்பட்ட ஒரு முன்மாதிரியால் இது ஈர்க்கப்பட்டது. தனது மாணவர்களாலேயே தனது வரலாற்றை எழுதிய உலகின் இரண்டாவது பள்ளியாக ராயல் கல்லூரி ஆனது.
தெளிவான நடையில், மிகவும் படிக்க இனிமையாக எழுதப்பட்ட இந்நூல், காலனித்துவ அரசாங்கத்தின் ஆணையால் நிரந்தரமாக மூடப்படும் அச்சுறுத்தல் உள்ளிட்ட, பள்ளி எதிர்கொண்ட பல்வேறு சவால்களையும் இன்னல்களையும் கையாள்கிறது. இலங்கையின் ஏறத்தாழ ஒவ்வொரு துறையிலும் முன்னணியில் உள்ள சிலர்,
தமது அடிப்படைக் கல்வியை இந்தப் பள்ளியில் பெற்றுள்ளனர். நியூயார்க் முதல் மெல்பேர்ண் வரையிலும், புது தில்லி முதல் டோக்கியோ வரையிலும் ராயல் கல்லூரியின் முன்னாள் மாணவர்கள், மருத்துவம், வணிகம், சர்வதேச சட்டம், விண்வெளி அறிவியல்
மற்றும் பிற துறைகள், அத்துடன் விளையாட்டின் எல்லாத் துறைகளிலும் சர்வதேச அமைப்புகளில் தமது அழியாத தடயங்களைப் பதித்துள்ளனர். இது எவ்வாறு சாத்தியமானது? நூலைப் படிப்பது அதற்கான விடையைக் கண்டறிய உதவும்.
கொழும்பு, காலி வீதியில் உள்ள பேர்ஃபுட் புத்தகக் கடையால் வழங்கப்படுகிறது.
