அமெரிக்காவைப் பற்றி, வாழ்க்கையைப் பற்றி, எதிர்காலம் என்ன கொண்டுவரக்கூடும் என்பதைப் பற்றி எனக்கு இன்னும் தெரியாதவை நிறைய இருக்கின்றன. ஆனால் என்னை நானே அறிவேன். என் தந்தை ஃப்ரேசர், கடினமாக உழைக்கவும், அடிக்கடி சிரிக்கவும், சொன்ன சொல்லைக் காப்பாற்றவும் எனக்குக் கற்றுக் கொடுத்தார். என் தாய் மேரியன், எப்படி சுயமாக சிந்திப்பது என்றும், எனது குரலைப் பயன்படுத்துவது என்றும் எனக்குக் காட்டினார். சிகாகோவின் தென் பகுதியில் உள்ள எங்கள் நெருக்கமான அடுக்ககத்தில், ஒன்றாக, அவர்கள் எங்கள் கதையில், என் கதையில், எங்கள் நாட்டின் பெரிய கதையில் உள்ள மதிப்பை நான் காண உதவினார்கள். அது அழகாகவோ சரியானதாகவோ இல்லாத போதும் கூட. நீங்கள் விரும்புவதை விட அது மிகவும் உண்மையானதாக இருக்கும்போதும் கூட. உங்கள் கதை தான் உங்களிடம் இருப்பது, எப்போதும் உங்களிடம் இருக்கப்போவது. அது சொந்தமாக்கிக் கொள்ள வேண்டிய ஒன்று.
Barefoot Bookshop, Galle Road, Colombo ஆல் வழங்கப்பட்டது.
