கண்டி நகரின் இதயப் பகுதியில், இலங்கையின் மலைநாட்டுத் தலைநகரில் அமைந்துள்ள உடவத்தகலே வனக் காப்பகம் சுமார் 104 ஹெக்டேயர் பரப்பளவைக் கொண்டது; அழகிய கண்டி ஏரியை நோக்கி அமைந்துள்ளது. தாவர, விலங்கு வளங்களுக்குப் பெயர்பெற்ற இந்தச் சரணாலயத்தில் சில பௌத்த வன மடாலயங்களும் உள்ளன. 80க்கும் மேற்பட்ட இனங்கள் பதிவாகியுள்ள, நன்கு அறியப்பட்ட பறவை நோக்கல் தலமான இந்தக் காப்பகத்தில் லேயார்ட் கிளி போன்ற சில அகணிய பறவை இனங்களைக் காணலாம். தலதா மாளிகையிலிருந்தும் கண்டி ஏரியிலிருந்தும் நடந்து செல்லும் தொலைவில் உள்ள உடவத்தகலேயை பறவை நோக்கல் ஆர்வலர்கள் எளிதில் கண்டுபிடிக்கலாம்.